Kumambiyo si Liberal Party Secretary General Mel Sarmiento sa usapin ng pag-endorso ni Pangulong Noynoy Aquino kay Interior and Local Government Secretary Mar Roxas bilang standard bearer ng Liberal Party (LP) sa Halalan 2016.
Matatandaang bumandera sa mga pahayagan at telebisyon ang umano’y nakaambang kumpirmasyon ni PNoy, nilinaw ni Sarmiento sa isang panayam na isang pagpupulong lamang ang tiyak niyang magaganap sa Biyernes.
Taliwas sa naunang ulat, hindi tiyak ni Sarmiento kung may ieendorso ngang standard bearer ang LP sa Biyernes.
Bagama’t tumangging nang sabihin kung si Roxas na ang ieendorso ni PNoy, nilinaw ni Sarmiento na suportado ng partido ang kalihim ng DILG.
By Mariboy Ysibido
