Sugatan ang isang driver matapos itong pagbabarilin sa loob ng sasakyang pag-aari ng mayor ng San Isidro, Leyte, sa Brgy. Dapdap, Alangalang.
Kinilala ang biktimang si Ranel Batiquin Reubal, 44 anyos mula sa Brgy. Linao, San Isidro.
Batay sa imbestigasyon, sakay ng kotse ni Mayor Remedio Veloso ang driver at ang kasamahan nitong si Carlo Emman Pauligue nang inambush sila ng mga suspek.
Mabilis na tumakas ang mga gunman papuntang Sta. Fe.
Nagtamo ng mga tama ng bala sa likuran ang driver, habang ligtas ang kasamahan nito.
Agad namang dinala sa ospital ang biktima.
