Tiwala ang PNP Highway Patrol Group na papayag ang mall owners sa hihilingin nilang pagbabago sa schedule ng mall sale.
Sinabi ni HPG Spokesman Supt. Elizabeth Velasquez na papakiusapan nilang gawing Sabado at Linggo na lamang ang mga araw ng sale sa halip na mula Biyernes hanggang Linggo at sisimulan naman ang sale ng alas-8:00 ng umaga sa halip na alas-10:00 ng umaga.
Bukod dito, ipinabatid ni Velasquez na ipapaayos din ng HPG sa mall owners ang parking kung saan hindi na magpapapasok ng sasakyan kung wala nang available parking para hindi na humaba ang pila sa labas ng mall na kadalasang nakakaapekto sa EDSA.
Kasabay nito, tiniyak ni Velasquez ang dagdag na tauhang ipapakalat sa EDSA bilang paghahanda sa Christmas rush.
By Judith Larino | Jonathan Andal (Patrol 31)
