Nagbitiw sa pwesto si Schools Police chief Pete Arredondo mula sa kanyang posisyon sa Uvalde, Texas City Council sa gitna ng mga kritisismong natatanggap nito sa pagtugon sa naganap na mass shooting incident sa isang Elementary School sa nasabing bansa nitong ika-24 ng Mayo.
Batay sa inilabas na resignation letter ng pamahalaang Lungsod ng Uvalde mula sa opisyal, bumaba ito sa pwesto upang mabawasan aniya ang iba pang distractions sa Uvalde.
Matatandaang nasawi ang 19 na estudyante at dalawang guro sa naganap na mass shooting.
