Hinamon ni Justice Secretary Vitaliano Aguirre na maglabas ng ebidensya ang kanyang mga kritiko na nag-a-akusang protektor umano siya ng mga drug lord.
Ayon kay Aguirre, pawang ispekulasyon ang pahayag ng mga kongresistang humihirit ng kanyang pagbibitiw sa pwesto kaugnay ng pagkabasura ng kasong iligal na droga laban kina Peter Lim, Kerwin Espinosa, Peter Co at iba pa.
Mas makabubuti anyang manahimik na lamang ang mga mambabatas at hintayin si Pangulong Rodrigo Duterte na umaksyon sa kanyang magiging kapalaran sa DOJ.
Wala namang plano sa ngayon ang kalihim na bumigay sa panawagan ng Makabayan Bloc na mag-bitiw siya sa pwesto.
-Bert Mozo
