Aminado si Labor Secretary Silvestre Bello the Third na hindi magiging madali ang kanyang appointment bilang susunod na Ombudsman.
Kabilang ang kalihim sa Sampung nominado para sa pagka-tanodbayan na papalit kay Outgoing Ombudsman Conchita Carpio Morales na mag-re-retiro sa Hulyo.
Ayon kay Bello, batid naman niyang maaaring hindi magustuhan ni Pangulong Rodrigo Duterte kung maghangad pa siya ng ibang posisyon maging ang kanyang aplikasyon para sa pagka-ombudsman.
Inamin ng kalihim na nagsumite siya ng aplikasyon sa Judicial and Bar Council at nag-apply sa nasabing posisyon nang hindi sinasabi kay Pangulong Duterte.
Gayunman, binanggit naman na niya ito sa punong ehekutibo kalaunan kaya’t hiniling na huwag na siyang alukin na tumakbo sa pagka-Senador.
