Isa pang miyembro ng gabinete ng administrasyon at nanilbihan rin dati bilang isang pari, ang itinalaga ni Pangulong Rodrigo Duterte para makipag dayalogo sa simbahang Katolika at iba pang religious groups.
Ayon kay Presidential Spokesman Harry Roque, makakasama nila sa komite bilang ika – apat na miyembro si Cabinet Secretary Leoncio Evasco Junior.
Naniniwala si Roque na malaki ang magiging kontribusyon ni Evasco sa pakikipgdiyalogo sa religious group lalot isa siyang dating pari at pamilyar ito sa dogma ng simbahang Katolika.
Si Evasco ay naordinahan bilang pari nuong 1970 at itinalaga sa mga bayan ng Dauis, Baclayon at Catigbian na pawang makikita sa Bohol.
Samantala , wala pang tugon ang Presidential Management Staff kung makadadalo si Pangulong Duterte sa imbitasyon ng “Papal Nuncio to the Philippines” para sa Pope’s Day celebration ngayong araw.
