Nakatakdang magpulong sina Defense Secretary Delfin Lorenzana at U.S. Secretary of Defense Mark Esper sa araw ng Martes, Nobyembre 19.
Pero ayon kay Defense Spokesman Dir. Arsenio Andolong, ilan lang sa mga paksang posibleng lamanin ng nasabing pagpupulong ay ang pagpapaigting sa relasyon ng Pilipinas at Amerika.
Gayundin ang mga hakbang kontra terrorismo at posible rin aniyang talakayin ang isyu ng agawan sa teritoryo sa West Philippine Sea.
Ayon kay Andolong, gagawin ang nasabing pagpupulong sa kampo Aguinaldo subalit pinaplantsa pa nila hanggang sa ngayon ang iba pang detalye nito.
