Kinantiyawan ni Presidential Spokesperson Secretary Harry Roque ang mga isiniwalat ni Senador Manny Pacquiao hinggil sa umano’y katiwalian sa ilang ahensiya ng pamahalaan.
Ayon kay Roque, isang watusi lamang at hindi atomic bomb ang naging pasabog ni Pacquiao.
Giit pa ni Roque na puro allegations lamang ang sinabi ni Pacquiao kung saan sinabi nito na walang kwenta.
Matatandaang ibinunyag ni Pacquiao ang umano’y korapsyon sa Department of Health ukol sa pagbili ng ilang gamot at maging sa pamamahagi ng social amelioration program o SAP ng Department of social Welfare and Development (DSWD).
Samantala, hinamon ng Malakanyang si Pacquiao na patunayan ang mga ibinabatong alegasyon kaugnay sa mga katiwalian ng ilang ahensya ng pamahalaan.
