Dinepensahan ni Ormoc City Mayor Richard ‘Goma’ Gomez ang nangyaring ‘secret vaccination’ ng ilang Presidential Security Group (PSG) personnel kontra coronavirus disease 2019 (COVID-19).
Sa isang Facebook post ng lokal na pamahalaan ng Ormoc City noong Martes ng gabi, ayon kay Gomez, hindi niya maintindihan kung bakit naging malaking isyu ang pagbabakuna ng PSG members, gayung ang tanging hangarin lamang nila ay maprotektahan ang presidente.
Dagdag pa niya, dapat lang na mauna silang maturukan ng bakuna dahil sila ay malapit sa pangulo at kailangang COVID-19 free ang mga PSG.
Magugugnitang noong ika-26 ng Diseyembre inanunsyo ng Pangulong Rodrigo Duterte na naturukan ng Sinopharm COVID-19 vaccine ang ilang tauhan ng AFP, partikular ang kanyang close-in security nito. —sa panulat ni John Jude Alabado
