Tiniyak ng Commission on Elections o Comelec na isa sa pangunahing tatalakayin sa Comelec En Banc ang umano’y breach sa Smartmatic system.
Ayon kay Comelec commissioner George Garcia na sa ngayon ay hinihintay nila ang findings ng National Bureau of Investigation (NBI) kaugnay sa security breach sa Smartmatic.
Ang official findings ng NBI ang magiging batayan ng kanilang magiging aksyon kaugnay sa isyu.
Bukod dito, kasama rin sa pag-uusapan sa En Banc ang mga concerns ng mga kongresista partikular sa problema sa pag-imprenta ng mga balota.
Samantala, target ng komisyon na matapos ang pag-imprenta ng lahat ng balota sa ikalawang linggo ng Abril.
