Ikinakasa na ang seguridad sa paligid ng University of Sto. Tomas sa España, Manila para sa 2016 Bar Examinations sa November 6, 13, 20 at 27 na pawang mga araw ng Linggo.
Ayon kay Senior Supt. Joel Coronel, hepe ng Manila Police District, kabilang sa ipatutupad nila ang liquor ban o pagbebenta, pag inom o pamimmigay ng alak sa loob ng 100 metrong layo sa UST.
Magsisimula ang liquor ban sa gabi bago ang mismong simula ng exam hanggang sa kinabukasan ng hatinggabi.
Sinabi ni Coronel na layon nitong maiwasan ang insidente kung saan nag-iinuman sa kalsada ang mga miyembro ng iba’t ibang fraternities o grupo sa kasagsagan ng pagsusulit.
By Len Aguirre
File Photo of the UST Main Building by Ramon F Velasquez/Wikimedia
