Seguridad sa convoy ng ASEAN delegates pamumunuan ng HPG

Pangungunahan ng PNP HPG o Philippine National Police Highway Patrol Group ang pagbibigay seguridad sa convoy ng mga delegadong dadalo sa ASEAN o Association of Southeast Asian Nations Summit.

Ayon kay PNP-HPG Senior Inspector Jem Delantes, magdedeploy sila ng mahigit apatna raang (400) HPG personnel bilang bahagi ng task group diplomatic delegate.

Bukod dito, magtatalaga rin sila ng convoy para sa mga delegado na mamamasyal sa Metro Manila o dadalo sa iba pang pagpupulong.

Kaugnay nito, umapela rin ang HPG ng kooperasyon mula sa publiko upang matiyak ang seguridad ng mga delegado, lalo na sa mga rutang dadaan ng mga ito.

Inaasahang darating sa Pilipinas ang siyam (9) na ASEAN leaders sa susunod na linggo.

Kabilang sa mga inaasahang dadalo sa ASEAN Summit sina Prime Ministers Hun Sen ng Cambodia; Najib Razak ng Malaysia at Prayut Chan-o-Cha ng Thailand.

By Krista de Dios

Comments

comments