Kinumpirma ng Department of Tourism na kakaunti lamang sa mga kandidata sa Miss Universe ang tutulak patungong Davao City.
Kasunod ito ng ipinalabas na travel advisory ng iba’t ibang bansa kabilang na ang Amerika dahil sa nangyaring Davao City Bombing nuong Setyembre 2 ng nakalipas na taon.
Dahil dito, aminado si Tourism Secretary Wanda Tulfo Teo na nangangamba siya sa kasalukuyang estado ng seguridad sa nasabing lungsod.
Pag-amin pa ng kalihim, nahirapan din siyang anyayahan ang maraming kandidata na sumama sa isang fashion show at ibang aktibidad dahil sa seguridad ng lugar sa Enero 19.
By: Jaymark Dagala
