Matapos ang mapayapang pagdaraos ng traslacion ng Itim na Nazareno, pinaghahandaan naman ngayon ng Manila Police District ang ilalatag na seguridad sa darating na Linggo, Enero 17, sa Kapistahan ng Sto. Niño sa Tondo, Maynila.
Ayon kay MPD District Director Police Chief Supt. Rolando Nana, Sabado pa lamang ay ipapakalat na nila na ang kanilang mga tauhan sa strategic areas upang maiwasan ang karahasan o kaguluhan sa naturang aktibidad.
Sinabi ni Nana na muling ipatutupad ang mahigpit na liquor ban at gayundin ang gun ban habang ginaganap ang kapistahan na iikot sa nasabing lugar.
By Jelbert Perdez | Aya Yupangco (Patrol 5)
