Binigyan ng ASEAN Security Committee ng perfect 10 points ang seguridad sa unang araw ng ASEAN Summit.
Ayon kay Chief Supt. Noel Baraceros ng ASEAN security task force, walang naitalang untoward incident at wala ring naantalang mga aktibidad, kahapon.
Maayos anya ang naging takbo ng biyahe ng mga bisita maging ang mga nagtungo sa mga probinsya gaya ni Indian Prime Minister Narendra Modi na nagpuntang International Rice Research Institute sa Los Baños, Laguna.
Samantala, 21 pulis ang nasugatan sa marahas na protesta habang isang militante ang inaresto matapos maaktuhang nambato sa mga otoridad, sa Maynila, kahapon.
Pinaalalahan naman ng D.I.L.G. ang mga dayuhan na iwasang lumahok sa mga rally kung ayaw madeport.
