Pahinga muna sa kanyang career ang 24-year old American pop singer at actress na si Selena Gomez.
Ito ay dahil sa nararanasang panic attacks at depression ni Gomez sanhi ng sakit na lupus.
Ginawa ni Gomez ang anunsyo sa gitna ng kanyang Revival World Tour.
Matatandaang noong nakaraang taon ay inamin ni Gomez ang tungkol sa kanyang sakit na sumailalim na rin sa ilang medikasyon kagaya ng chemotherapy.
Aniya, nais muna niyang mag-focus sa pagpapagaling kaya nagdesisyon siyang magpahinga muna.
Hindi naman nakalimutan ni Gomez na magpasalamat sa mga taong patuloy na nagmamahal at sumusuporta sa kanya.
Nitong Agosto lang ay bumisita si Gomez sa bansa para sa Manila leg ng kanyang Revival World Tour sa Asya.
