Isang 24-taong gulang na seminarista ang napaulat na nawawala matapos na holdapin ito at piliting isakay sa van ng dalawang lalaki sa Quezon City noong Linggo ng gabi.
Ayon sa ina ng biktima na si John Angelo Balicoco na si Adora, nakatanggap siya ng text mula sa kanyang anak pasado alas-6:00 ng gabi kung saan sinabi nito na siya ay na-hold up pero hindi umano nakuha ang kanyang cellphone.
Kuwento pa ni Adora, binanggit ng kanyang anak sa text na pinasakay siya ng dalawang lalaki sa van at hindi nito alam kung saan siya dadalhin.
Dagdag ni Ginang Adora, pasakay na dapat ng MRT ang kanyang anak na si John Angelo papuntang Taft station kung saan ito sasakay ng bus patungo sa pinagtuturuang eskwelahan sa Balayan, Batangas.
By Krista de Dios
