Babasahan ng sakdal si Senadora Leila De Lima dahil sa pagsuway sa pagpapatawag ng Korte.
Ayon sa media relations officer ni De Lima, nakatakdang basahan ng sakdal bukas ang senadora sa Quezon city Metropolitan Trial Court Branch thirty-four, alas dos ng hapon.
Isinampa ng Department of Justice ang kasong disobedience to summons laban kay De Lima dahil sa pagpapayo niya sa kanyang dating driver bodyguard na si Ronnie dayan na huwag dumalo sa pagdinig ng kamara hinggil sa umano’y kalakalan ng iligal na droga sa New Bilibid Prison.
Gayunpaman, nanindigan si De Lima na pinayuhan lamang niya si dayan at hindi, aniya, inutusang huwag daluhan ang nasabing imbestigasyon ng Kamara.
By Avee Devierte
