Pinayuhan ni Justice Secretary Vitaliano Aguirre si Senadora Leila De Lima na tutukan na lamang ang mga kinahaharap niyang kaso sa Muntinlupa Regional Trial Court (RTC).
Ito’y ayon kay Aguirre matapos banatan ni De Lima si Pangulong Rodrigo Duterte at nanawagan pa sa publiko na kumilos laban sa administrasyon.
Ayon kay Aguirre, dapat mag-ingat si De Lima sa kaniyang mga sinasabi laban sa Pangulo lalo’t maaari aniya itong ituring na inciting to sedition.
Patutsada pa ng Justice Secretary, tila nawawalan na ng bait si De Lima dahil sa mga kasong kaniyang kinahaharap at natatakot na siya’y makulong.
By Jaymark Dagala
