Muling nagpositibo sa COVID-19 si senator Joel Villanueva.
Ayon kay Villanueva , nakaramdam umano siya ng lagnat at pananakit ng ulo nitong Miyerkules kaya’t agad itong nagpasuri sa doktor.
Aniya, base sa naging resulta ng kanyang RT-PCR test kagabi ay nag-positive ito sa COVID-19.
Dahil dito, inabisuhan nito ang kanyang mga nakasalamuha na agad mag isolate at sumailalim sa COVID-19 test.
Pinaalalahanan naman ng senador ang publiko na magdoble ingat para maiwasan ang pagkalat ng virus sa bansa.
