Inalmahan ni Senador JV Ejercito ang pahayag ni Senador Antonio Trillanes na nababahala na ang mga kaalyado ng Pangulong Rodrigo Duterte, matapos maghain ng impeachment complaint laban dito sa Kamara.
Sinabi ni Ejercito na nananahimik lang sila dahil napapagod na ang mga kaalyado ng Pangulo sa mga mapinsalang plano ng pagpapatalsik sa lider ng bansa, at hindi dahil sa nababahala na ang mga ito.
Kahapon, isa si Ejercito sa mga unang bumatikos sa paghahain ng Magdalo Partylist Group ng impeachment complaint laban sa Pangulo, at sinabing maliban sa mali ang timing ay wala ring sapat na basehan ang reklamo.
By Katrina Valle |With Report from Cely Bueno
