Umaasa si Senador Kiko Pangilinan na magbabago ang isip ni Pangulong Rodrigo Duterte sa kontrobersyang kinasasangkutan ni Solicitor-General Jose Calida.
Ayon kay Pangilinan, nakasasama sa imahe ng pangulo partikular sa kanyang anti-corruption campaign ang issue laban sa solicitor-general.
Iginiit ng senador na seryoso ang mga paratang kaugnay ng mahigit 200 million peso contract na ini-award sa security agency ng pamilya ni Calida bukod pa sa lumitaw sa pagsusuri ng Commission on Audit na sobrang allowance ng SolGen.
Sakali anyang makita ni Pangulong Duterte na nahihila siya pababa ng kontrobersiya ay posibleng magbago na ang isip nito at hindi na ipagtanggol si Calida.
(with report from Cely Ortega- Bueno)
