Magsusumite na ang tanggapan ni Senador Koko Pimentel ng panukalang impeachment rules.
Ito’y upang mapabilis ang proseso ng impeachement laban kay Vice President Sara Duterte.
Ayon kay Senador Pimentel, may constitutional duty ang mga senador na dapat unahing gampanan kaysa sa ibang bagay.
Bagama’t tatakbo sa pagkakongresista, sinabi ng Senador, na mas priyoridad niya na gampanan ang tungkulin na nasa konstitusyon pagdating sa impeachment process.
Una nang inihayag ni Senate Rules Committee Chairman, Senate Majority Leader Francis Tolentino na kung nagmamadali si Senator Pimentel ay pangunahan na at simulan ang pag-draft ng impeachment rules.—ulat mula kay Cely Ortega Bueno (Patrol 19)
