Makabubuting gawing inspirasyon ng mga Pilipino ang ipinakitang kabayanihan ng mga beterano para ipagtanggol ang Pilipinas mula sa mga mananakop.
Iyan ang hamon ni Senador Richard Gordon sa harap na rin ng mga makabagong banta at mga isyu na kinahaharap ng bansa na nagdudulot aniya ng pagkakawatak-watak.
Sa kaniyang mensahe para sa araw ng kagitingan kahapon, sinabi ni Gordon na ipinaalala ng nasabing araw ang pagkakaisa at pagmamahal sa bayan ng bawat Pilipino.
Hindi lamang sa panahon ng aktuwal na labanan naipakikita ang katapangan kung hindi sa pagharap ng bawat isa sa maraming hamon at problema ng bansa sa kasalukuyan.
