Binuweltahan ni Senador Tito Sotto si National Youth Commission Chairperson Aiza Seguerra kaugnay sa issue ng planong pamamahagi ng condom ng Department of Health sa mga paaralan.
Magugunitang sinupalpal ni Seguerra si Sotto na kanyang co-host sa noontime show na Eat-Bulaga sa nakapagtagal na panahon dahil sa pag-kontra ng Senador sa naturang plano.
Ayon kay Sotto, hindi niya batid kung saan kinukuha ni Aiza ang mga impormasyon hinggil sa HIV kaya’t dapat itong magbasa, mag-aral at alamin ang mga issue bago magsalita.
Hindi anya sanhi ng pagtaas ng bilang ng HIV cases ang pakikipag-talik ng mga estudyante sa kanilang kapwa mag-aaral dahil ang pangunahing rason ay ang pakikipag-talik ng mga lalaki sa kapwa lalaki.
Iginiit naman ng mambabatas na mas maniniwala siya kay dating Health Secretary Janette Garin sa halip na pakinggan ang isang bagitong pulitiko na kinulang sa mga impormasyon.
By: Drew Nacino / Cely Bueno
