Sen. Trillanes dapat mag-ingat umano sa kaniyang inaakusahan

Pumalag ang mga Senador sa tila panlalaglag sa kanila ni Senador Antonio Trillanes makaraang tawaging rubber stamp o sunud-sunuran lamang ang mga ito sa kagustuhan ni Pangulong Rodrigo Duterte.

Ayon kay Senador Panfilo Lacson, tila nasobrahan lamang sa hallucination si Senador Trillanes kaya’t out of touch o malayo na sa katotohanan ang kaniyang pinagsasabi.

Giit ni Lacson, hindi na nagiging makatuwiran ang mga puna ni Trillanes dahil ang pag-aakusa ng pagiging duwag at sunud-sunuran ang isa sa pinaka-nakasusuklam na magagawa ng isang mambabatas.

Sa panig naman ni Senate Majority Leader Tito Sotto, walang alam si Senador Trillanes para magpakawala ng ganuong akusasyon kaya’t hindi na muna niya ito papatulan.

Gayunman, binalaan ni Sotto si Trillanes na mag-ingat sa kaniyang mga ibinabansag nito sa Senado gayundin sa mga kapwa niya Senador dahil siya mismo ay bahagi rin nito.

By: Jaymark Dagala / Cely Bueno

Comments

comments