Inamin ni Sen. Sherwin Gatchalian na nagprisinta siya kay Davao City Mayor Sarah Duterte – Carpio para maging running mate nito sa 2022 presidential elections.
Ayon kay Gatchalian, nailatag na niya kay Mayor Sara ang kaniyang mga plano sakaling siya ang mapiling maging katambal nito bilang Bise Presidente.
Una rito, binanggit na ng batang Duterte ang pangalan ni Gatchalian na isa sa mga itinutulak niyang makatambal sa eleksyon.
Si Gatchalian ay miyembro ng Nationalist People’s Coalition (NPC) sa ilalim ng pamumuno ni Senate President Vicente Tito Sotto III.
