Hindi Senate Committee on Justice and Human Rights ang mangunguna sa pag-iimbestiga sa naganap na pagpaslang kay Albuera Leyte Mayor Rolando Espinosa.
Ito ay makaraang imungkahi ni Senate Majority Floor Leader Tito Sotto na Committee on Public Order and Dangerous Drugs ang siyang dapat humawak ng imbatigasyon dahil isyu naman ng iligal na droga ang sangkot dito.
Bukod sa pagpatay kay Espinosa, kasama sa iimbestigahan ang naganap na pagpatay o pag-ambush kamakailan kay Datu Saudi Ampatuan Mayor Samsudin Dimaucom.
Magiging secondary committee na lamang sa imbestigasyon sa mga kasong ito ang Committee on Justice
Sa Huwebes, November 10, itinakda ni Senador Panfilo Lacson ang imbestigasyon sa pagpatay kina Mayor Espinosa at Dimaucom.
By: Avee Devierte / Cely Bueno
