Sinimulan na ng Senado ang paghahanda para sa posibleng pag-akyat ng Articles of Impeachment laban kay Supreme Court Chief Justice Maria Lourdes Sereno.
Ayon kay Senate President Koko Pimentel, nagbigay na siya ng otorisasyon para sa pag-order ng mga bagong robes na gagamitin ng mga Senador na tatayo bilang mga impeachment judges.
Paliwanag ni Pimentel, hindi na magagamit ang mga dating robe na ginamit noon ng mga Senador sa impeachment trial ni dating Chief Justice Renato Corona dahil babaguhin na ang kulay ng mga ito.
Isinasapinal na rin ng mga abogado ng Senado ang impeachment rules na kanilang ipinatutupad at iniatas na rin ang pag-aaral sa lay out ng impeachment court para sa posibleng paglilitis.
Samantala, sa pagtaya naman ni Senate Majority Floor Leader Tito Sotto, posibleng sa Hulyo na masimulan ang paglilitis laban kay Sereno kung maiaakyat ito ng Kamara sa Marso bago mag-adjourn ang Kongreso.
Krista de Dios / Cely Ortega-Bueno/ RPE
