Nanawagan si Senador Imee Marcos ng agarang imbestigasyon sa Senado kaugnay ng pag-aresto kay dating Pangulong Rodrigo Roa Duterte, isang isyung nagdulot ng pagkakawatak-watak ng mga Pilipino sa bansa.
Bilang chairperson ng Senate Committee on Foreign Relations, binigyang-diin ni Senator Marcos ang pangangailangang alamin kung nasunod ang due process at kung naprotektahan ang mga karapatang legal ni Dating Pangulong Duterte, lalo na sa pagkakasangkot ng Interpol at International Criminal Court (ICC).
Plano niyang ipatawag ang mga opisyal mula sa PNP, DOJ, DFA, NSC, at iba pang ahensya upang linawin ang mga patakaran sa pagpapatupad ng batas at pakikipag-ugnayan sa mga pandaigdigang hukuman. Iginiit ni Senator Marcos na dapat manaig ang soberanya ng bansa at ang ating legal na proseso.
