Buong buo ang suporta ni Senador Kiko Pangilinan sa showbiz career ng kanyang asawa na si Mega Star Sharon Cuneta.
Ito ay sa kabila ng ilang espekulasyon na nagalit umano ang senador sa muling pagtatambal nina Sharon at ng dating asawa nito na si Gabby Concepcion para sa isang commercial.
Paliwanag ni Kiko, dapat lang nagtutulungan ang isang mag – asawa sa anumang proyekto na mayroon ang bawat isa sa kanila.
Sa isang panayam ng DWIZ sa senador, binigyang diin nito na hindi siya nakaramdam ng selos at sa katunayan ay masaya siya para sa asawa.
Samantala, naiyak naman ang nanay – nayan ni Sharon na si Helen Gamboa habang pinapanood ang nasabing commercial.
Maging ang asawa ni Ms. Helen na si Senador Tito Sotto ay naging emosyonal din sa muling tambalan ng dalawa.
Sa naging panayam sa Senador, sinabi nito na maging siya ay natuwa nang mapanood muli na magkasama ang dalawa at di aniya mapigilan na makaramdam ng panghihinayang.
