Tigilan na ang pang-iinsulto at huwag lumihis sa tunay na isyu.
Ito ang sagot ni Senador Antonio Trillanes IV sa buwelta sa kanya ng Pangulong Duterte kung saan ay tinawag siyang tulisan ng Punong Ehekutibo.
Sinabi ni Trillanes, itigil na ang maraming satsat at mainam na tanggapin na lamang ng Pangulong Duterte ang hamon nitong buksan ang transaction history ng bank accounts nito.
Matatandaang muling binuhay kahapon ni Trillanes ang akusasyon nitong mayroong mahigit dalawang (2) bilyong pisong bank accounts ang Pangulo.
Idinawit din ni Trillanes ang mga anak ng Pangulo na sina Davao City Mayor Sara Duterte Carpio, Vice Mayor Paolo Duterte at Sebastian Duterte, maging ang kinakasama ng nakatatandang Duterte na si Honeylet Avencena na mayroon umanong mga milyun-milyong bank accounts.
By Ralph Obina
