Nakatanggap ng isang rosaryo si Senadora Leila de Lima mula kay Pope Francis.
Ayon kay De Lima ang nasabing rosaryo ay ibinigay ni Pope Francis sa kanya matapos niya itong sulatan bago ang kanyang kaarawan noong Agosto para humingi ng panalangin.
Kasabay nito, pinasalamatan ni De Lima ang Santo Papa sa aniya’y napakagandang regalong kanyang natanggap at sinabing sobra siyang naantig sa ginawa nito.
Aniya, ang nasabing rosaryo ay magpapaalala sa kanya na patuloy na manampalataya at lumaban para sa kapakanan ng mga Filipino sa kabila ng nararanasang political persecution.
—-
