Inamin ni Senador Ronald “Bato” Dela Rosa na sumamâ ang kanyang loob kay National Security Adviser Eduardo Año.
Ito ay dahil hindi man lang daw aniya tinimbrehan ni Secretary Año si dating Pangulong Rodrigo Duterte na aarestuhin na ito sa pag-uwi sa bansa mula sa Hong Kong.
Sinabi ni Senador Dela Rosa na sana ay tumawag man lang si Secretary Año kahit sa kasamang staff lamang ni dating Pagulong Duterte para maabisuhan na aarestuhin na ito sa pagbalik sa bansa.
Gayunman, nilinaw ng Mambabatas na hindi niya ikinasama ng loob ang pagsunod sa tungkulin ng National Security Adviser kundi mas personal ang basehan ng kanyang pagtatampo. —sa panulat ni John Riz Calata
