Maghahain ng motion for reconsideration sina Senator Koko Pimentel sa Commission on Elections (COMELEC) upang i-apela ang desisyon nitong kilalaning opisyal na PDP-Laban ang paksyon nina Energy Secretary Alfonso Cusi.
Ayon kay Pimentel, ilalagay sa mosyon ang pagiging walang bisa ng petisyon na inihain ng Cusi faction para ideklara silang illegitimate.
Giit kasi ni Pimentel, inihain ang petisyon nina Cusi sa ngalan nang isang political party nang walang anumang board resolution.
Samantala, pinuna rin ng senador ang pagiging maluwag ng COMELEC pagdating sa requirements sa paghahain ng petisyon.
Si Senator Koko ang anak ni dating senator Nene Pimentel na siyang nagtatag ng PDP-Laban.
