Inamin na ni Senador Leila de Lima na nagkaroon siya ng relasyon sa kanyang dating driver at bodyguard na si Ronnie Dayan.
Ayon kay De Lima, hindi niya maikakaila na sadyang mahina o marupok ang kalooban ng mga babae tulad niya pagdating sa pag-ibig.
Anya, pinagkatiwalaan niya si Ronnie kaya’t tumagal ng ilang taon ang kanilang relasyon.
Aminado rin si De Lima na tinulungan niya si Dayan kapag may problema ito sa pera subalit hindi niya pinondohan ang pagpapatayo ng bahay nito sa Pangasinan.
Magugunitang itinuro ng ilang testigo sa Kamara si Dayan bilang kolektor umano ng drug money para kay De Lima sa New Bilibid Prison (NBP) na itinatanggi naman ng senador.
By Drew Nacino
