Inilibas na ng kampo ni Davao City Mayor Rodrigo Duterte ang inisyal na listahan ng kanyang senatorial lineup kahit pa maka-ilang ulit ng nagpahayag ang alkalde na hindi sasabak sa 2016 presidential election.
Ayon kay dating North Cotabato Governor Emmanuel Piñol, kabilang sa tinaguriang dream team ay sina dating Senador Panfilo “Ping” Lacson; Manila Vice Mayor Isko Moreno; Senador Sergio “Serge” Osmeña III; People’s champ at Sarangani Rep. Manny Pacquiao; ACT-CIS Rep. Samuel Pagdilao; Leyte Rep. Martin Romualdez; Las Piñas Rep. Mark Villar at Dating Senador Miguel “Migz” Zubiri.
Gayunman, hindi pa anya na-i-kokonsulta ni Duterte kay PDP- Laban Chairman, Senator Aquilino “Koko” Pimentel ang pagkakabilang ni Zubiri sa listahan.
Bagaman ang 8 ay maaaring tumakbo bilang independent o sa ilalim ng isang partido sa labas ng PDP-laban, isasama ang mga ito sa lineup bilang guest candidates.
By: Drew Nacino
