Tiniyak ng Busan Universal Rail Incorporated o BURI na tuloy pa rin ang kanilang pagbibigay ng serbisyo sa MRT-3 o Metro Rail Transit.
Ito ay sa kabila ng ipinalabas na “notice of termination” ng Department of Transportation o DOTr sa BURI na nagkakansela sa kontrata nito bilang maintenance provider ng MRT-3.
Ayon kay Atty. Charles Mercado, legal counsel at tagapagsalita ng BURI, magpapatuloy ang kanilang serbisyo sa MRT hanggang hindi pa tuluyang nakakansela ang kanilang kontrata para na rin sa kapakanan ng mga pasahero.
Tiniyak din ni Mercado na hindi nila isasabotahe ang operasyon ng MRT dahil lamang sa hindi nila pagkakaunawaan ng DOTr.
—-
