Naibalik na ng GCash ang kanilang serbisyo matapos magka-aberya kahapon sa kasagsagan ng Pasko.
Batay sa abiso ng Globe sa kanilang social media accounts, pinayuhan nito ang kanilang mga subscriber na linisin ang caches nito upang maiwasan ang anumang log-in issues.
Kasunod nito, tiniyak ng pamunuan ng GCash sa kanilang customers na ligtas ang kanilang pondo at maipoproseso na ang mga transaksyon nito sa loob ng 24 oras.
Gayunman, tumanggi ang operator ng GCash na Globe Fintech Innocations Incorporated na idetalye kung bakit nagka-aberya ang kanilang sistema.
