Nagsalita na si Seth Fedelin sa pagsagot ng kanyang ka-loveteam na si Andrea Brillantes kay Ricci Rivero.
Sa Instagram live nitong linggo, sinabi ni Seth na wala siyang naramdamang galit sa nangyari at sa katunayan aniya ay masaya siya para sa dalawa.
Hinikayat rin nito ang kanyang mga follower na itigil na ang pagbabato ng masasakit na salita laban sa kaibigang si Andrea at suportahan na lamang ang relasyon ng mga ito.
Giit pa ni Seth, sila-silang mga magkakaibigan lamang ang nakakaalam ng lahat at hindi aniya deserve ng kaniyang kaibigan na makatanggap ng pamba-bash.
Matatandaang matapos manalo ang team ni Ricci na UP Maroons sa laro nito sa basketball laban sa FEU Tamaraws nitong Sabado, tinanong nito si Andrea kung puwede na niya itong maging girlfriend, na sinagot naman ni Andrea ng ”Yes”.
