Pansamantalang isasara ang Shangri-La Hotel sa Makati City, simula sa February 1.
Sa pahayag na inilabas ng Shangri-La Group, dahil sa pandemya, kailangan nilang ayusin ang operasyon at bilang ng mga kawani upang makasabay sa bagong business environment.
Ipinabatid ng pamunuan ng Shangri-La ang kanilang pagsisikap sa mga nakalipas na buwan na hanapan ng paraan ang pagkalugi ng kanilang operasyon.
Sinikap din umano nilang umagapay sa mga rank and file employees para malampasan ang nararanasang krisis.
Gayunman sa katagalan ay hindi na nila ito kinakaya kaya’t kinakailangan nang humantong sa reorganization at pagbabawas ng mga empleyado.
