Muling nagpakilig ang isa sa pinakasikat na love team sa bansa na sina Sharon Cuneta at Gabby Concepcion.
Sa isang event para sa mga guro na ginanap kagabi, umakyat sa entablado si Sharon pagkatapos mag duet sina Martin Nievera at Pops Fernandez.
Pagkatapos kantahin ni Sharon ang mga unang linya ng “come what may” ay bigla na lang nagpakita si Gabby at dito na nagduet ang dating mag-asawa.
Dumagungdong naman ang Mall of Asia Arena sa sigawan ng mga fans na nakapanood ng muling pagsasama ng dalawa.
Ito raw ang kanilang regalo para sa mga guro.
Matatandaang ang “come what may” ay isa sa mga kantang pinatugtog sa kauna unahang pelikulang pinagsamahan nina Sharon at Gabby na “dear heart”.
