Tapos na ang shooting ng pelikulang “366” kung saan sumabak sa kanyang directorial debut ang aktres na si Bela Padilla.
Sa kanyang Instagram page, nagpasalamat si Padilla sa lahat ng mga naging bahagi ng pelikula.
Isa sa mga pinasalamatan ni Bela ay ang direktor na si Irene Villamor na isa sa kanyang mga mentor at nakatulong sa kanya upang mabuo ang nasabi ng pelikula.
Samantala, nagbigay din ng shoutout ang dalaga sa mga lead actors ng “366” na sina Zanjoe Marudo at JC Santos.
Hindi naman binanggit ni Bela kung tungkol saan ang pelikula at kung kailan ito ipapalabas.
