Tuloy umano ang sibakan ng mga tiwaling opisyal ng gobyerno.
Ito ang pahayag ni Pangulong Rodrigo Duterte sa kaniyang pagdalo sa ika-81 anibersaryo ng Government Service Insurance System ( GSIS ) sa Pasay City kahapon.
Ayon kay Pangulong Duterte may mga nakatakda na siyang sibaking opisyal sa mga susunod na araw.
Sinabi ng Pangulo na malinaw ang kaniyang naging mga naunang pahayag na ayaw niya ng kurapsyon kaya’t hindi aniya siya titigil sa pag-ubos sa mga tiwaling opisyal sa gobyerno.
Wala umano siyang pakialam kahit pa kilalanin ang kaniyang administrasyon bilang may pinakamaraming nasibak na opisyal.
