Umapela si Novaliches Bishop Emeritus Teodoro Bacani Jr sa kaniyang mga kapwa obispo maging sa publiko na magsalita at tumindig sa kaliwa’t kanang patayang nangyayari sa bansa.
Ayon sa Obispo, sobra na ang mga nangyayaring patayan sa ilalim ng kampaniya kontra droga ng pamahalaan kaya’t wala nang dahilan upang manahimik pa.
Iginiit ni Bacani, malaki ang ginagampanang papel ng simbahan upang hubugin ang kamalayan ng mga mamamayan partikular na sa kahalagahan ng buhay na dapat ay tinitingnan ng kasalukuyang rehimen.
Kasunod nito, hinimok din ng obispo ang PNP na magsagawa ng patas na imbestigasyon sa mga nangyayaring patayan lalo na iyong mga kaso na kinasasangkutan mismo ng mga pulis.
By: Jaymark Dagala
SMW: RPE
