Dumistansya ang tanging distributor ng COVID-19 vaccine na Sinopharm sa Pilipinas na sila ang pinanggalingan ng bakunang itinurok sa mga tauhan ng Presidential Security Group (PSG).
Ayon sa isang kinatawan mula sa MKT group na tumangging magpakilala, hindi umano bahagi ng kanilang grupo ang nagsuplay ng bakuna sa PSG.
Iginiit ng kinatawan na sumunod sila sa batas ng Pilipinas hinggil sa pamamahagi ng bakuna taliwas sa mga ibinabatong akusasyon sa kanila.
Gayunman, hindi sinagot ng MKT group kung smuggled o ipinuslit ang mga bakunang ginamit sa PSG makaraang aminin ito ni Defense Sec. Delfin Lorenzana.
