Umarangkada na ang ilang mga aktibidad sa Cebu City para sa taunang Sinulog Festival o Pista ng Sto. Niño de Cebu para sa taong ito.
4:00 kaninang umaga nang isagawa ang isang prusisyon na tinawag na ‘Walk with Jesus’ na nagsimula sa Fuente Osmeña at nagtapos sa Basilica Minore ng Sto. Niño de Cebu.
Pormal namang bubuksan ang Sinulog Festival bukas, Enero 12 sa pamamagitan ng parada na sisimulan sa Basilica del Sto. Niño at magtatapos sa Abellana National School.
Nakatakdang ipagdiwang ng mga Cebuano ang Pista ng Señor Sto. Niño na siyang highlight ng Sinulog Festival sa Enero 21, araw ng linggo.
