Sasakay nang muli sa helicopter ng Philippine National Police si PNP Chief P/Gen. Archie Francisco Gamboa.
Ito’y matapos payagan na muling makalipad ang mga helicopter ng PNP, tatlong buwan mula nang maaksidente ang sinakyan nitong Bell 429 helicopter sa San Pedro, Laguna nuong Marso.
Ayon kay Gamboa, sasakay muli siya ng helicopter para sa kaniyang pagbisita sa Police Regional Office 1 o Ilocos sa Hulyo 17.
Kasabay nito, ini-ulat din ng PNP chief na may rekumendasyon na ang Special Investigation Task Group (SITG) hinggil sa posibleng pananagutan ng mga piloto ng chopper.
Sa ngayon, nasa Special Action Force (SAF) admin holding unit ang mga piloto habang gumugulong ang imbestigasyon.
