Inihayag ni Southern Police District (SPD) Dir. PCOL. Kirby John Kraft na bumubuo na ng Special Investigation Task Group (SITG) ang kanilang ahensya kaugnay sa pagpatay sa radio broadcaster-commentator ng DWBL na si Percival Mabasa o mas kilala bilang “Percy Lapid.”
Sa panayam ng DWIZ, sinabi ni Kraft na patuloy pa nilang iniimbestigahan kung may kaugnayan sa kaniyang trabaho ang pagpatay kay Lapid.
Sinabi pa ni Kraft na nakuha narin nila ang CCTV footage sa lugar na pinangyarihan ng insidente kung saan, makikita na kasunod ng sasakyan ng biktima ang riding-in-tandem.
Bukod pa dito, nagsasagawa narin sila ng back dropping sa mga lugar na posibleng dinaanan ng mga suspek upang malaman ang kinaroroonan nito.
